16 اپريل 1818ع تي برطانيا ۽ آمريڪا جي حڪومتن وچ ۾ معاهدو ٿيو، ته آمريڪا ۽ ڪينيڊا جي سرحدن تي مقرر ٻنهي مُلڪن جي فوج کي هٽايو ويندو ۽ ان علائقي جي مشهور سامونڊي ڪپر ”Lake Champlain “ ۽ ”Great lakes “ (اتر آمريڪا جو هڪ سامونڊي رستو ، جيڪو برطانيائي بحري فوج لاءِ استعمال ٿيندو رهي ٿو ) جي جاين کي ڪنهن به قسم جي بحري زور آزمائيءَ کان آجو رکيو ويندو. هن معاهدي تحت ٻنهي ملڪن طرفان علائقي ۾ محدود پيماني واري فوجي موجودگيءَ جي حمايت ڪئي وئي. ٻنهي ملڪن جي وچ ۾ طئي ٿيل معاهدن مان هي گهڻي کان گهڻو عرصو هلندڙ معاهدو آهي. 1818ع کان اڄ تائين هن معاهدي جي پاسداري ڪئي ويندي آهي. بين الاقوامي تعلقات ۾ ان قسم جي معاهدي جي تمام گهڻي اهميت هوندي آهي، ڇاڪاڻ ته پاڙيسري ملڪن جي وچ ۾ جيڪڏهن امن معاهدا ڊگهي عرصي تائين قائم رهندا، ته سندن وچ ۾ ڪافي مسئلا حل ٿي سگهن ٿا . ٻن ملڪن وچ ۾ ڊگهي جنگ بنديءَ سبب معاشي، سياسي ۽ سماجي تعلقات وڌائڻ جي حوالي سان ’رش بيگا‘ جهڙا معاهدا لازمي ۽ اهم سجهيا وڃن ٿا. جيئن ته هي معاهدو آمريڪا جي عارضي پرڏيهي وزير” رچرڊ رش “ ۽ برطانيا جي آمريڪي معاملن جي وزير ”سر چارلس بيگا“ (Charles Bagot ) جي صحين سان ٿيو، تنهن ڪري معاهدي کي سندن نالن پٺيان منسوب ڪيو ويو